Na tur Negociante cu tin un website di nan negoshi!
Si bo meta ta pa expande bo negoshi su actividad riba Mercado Turistico International ta possible cu ya di un paar di anja bo a tuma e paso importante y necesario pa pone un website di bo negoshi online.
Ta importante pa keda check si bo website ta riba un server cu ta accessible na un y tur rond mundo, en especial den e region Americano. Ta asina cu hopi hende no ta na haltura cu nan servicio di hosting ta uno comparti, mas di un website tin e mes un IP, y cu aunke e tin hopi beneficio den sentido financiero y adiminstratio, ya cu un cliente por hanja e cu 3GB di espacio y bandwidth y hopi otro funcionnan pa menos di 200 florin pa anja, na e otro banda un hosting comparti cu hopi otro website por tin su efecto negativo.
E efecto mas comun ta cu e server di email ta comparti y si sosode cu un usuario riba e server haci mal uso di mandamento di email y e wordo marca suficiente biaha como “Spam” full e grupo riba e mes un IP ey ta wordo poni riba un lista cual ta blokia e websitenan y e emailnan saliendo y drentando for di e email server di e IP ey. Aruba no ta den un region cu ta wordo proteha mes un hopi pa blacklisting manera paisnan grandi manera Merca, pesey djiss bishitando bo website bo no lo ripara cu e por ta blokia. Pesey ta bon pa cada donjo di negoshi check nan domain cada pasa 30 dia pa segura cu nan no ta perdiendo emails ni bishitante.
Si bo ta riba un lista di un server marca como spammer esaki ta yama blacklisted. Pa medio di e comunicado aki Creative Design Development kier informa tur negoshante local cu nan mes por haci e checqeo aki door di bishita www.mxtoolbox.com, un servicio pa un y tur gratuito, y haci un blacklistcheck pa nan domain. E ta recomendabel pa haci esaki cada luna, ya cu bo no ta na haltura di e actividadnan di e otro websitenan cu ta riba e mes un server cu bo.
Ta sabi pa haci uso di otro opcionnan di hosting si bo kier ta sigur cu bo domain y website nunca no ta bira blokia door di actividad di otro website. Entre otro tin VPS, esaki ta Virtual Private Server, esaki ta e opcion priva mas barata ya cu e ta un pida di un Dedicated Server, nada no ta comparti y bo ta hanja bo IP unico. Haci uso di e servicio aki, mescos cu di un Dedicated Server, ta mas complica y ta haci necesario tin un persona trahando cu bo pa set up e systema pa pone e website. E dos opcionnan aki ta costa mas pa anja, Dedicated Server p.e. ta un 250 florin pa luna. Esaki ta en berdad un servicio pa un compania mas grandi cu un budget mas grandi pero e servicionan ta exclusivamente di bo negoshi y di niun hende mas.
Creative Design Development kier comparti e informacion aki cu un y tur pa asina aporta su parti den sostene comercio via internet di nos Isla. No ta e intencion di acusa ningun compania pero pa educa un y tur pa hunto nos yega mas dilanti!
Beth The IMVA is a young energetic Virtual Assistant running www.creativedesigndevelopment.com. She works with small starting business owners to take charge of their marketing needs. She has a background in Graphic Design and Administrative work. Beth works closely with her customers to optimize the quality of their website, to-print material, and internet marketing campaigns. She is also experienced in content development and email marketing campaigns. You can follow her on Twitter @beththeimva or become a fan of her Facebook Page here.